غيابي كان مو بيدي

-
-
-
-

شِرَق هذا الفراق اللي كِسَرنـي حـزَّة غروبـك
بغيتك وإستحَت عيني من الغلطـات صدقنـي !

كتبتك من قبل لا تجـرح الكلمـات مكتوبـك ..
إذا عندك عذر باقي على التقصيـر إعذرنـي !!

كثير الهَم متعـوِّد علـي .. وإنـت يـا دوبـك
وكافي الحزن لو عنَّه أغيب أيَّـام " يفقدنـي " !

حبيبي ليه متضايق وعلي متغيِّـر إسلوبـك ..؟
يبيِّن لو سِكت قلبـك .., بأنْهَـا ضيقتـك منـي

غيابي كان مو بيدي خذاني الحظ من صوبـك !
وقلبي هذا هو حظه غريبٍ , من صغر سني ..

أبيك وما أبي غيرك .. وتأكـد قلـب محبوبـك
جبره الوقت يتناسـى لأجـل بالخيـر تذكرنـي

غصب بغيب لأنـي أبـرز عيوبـك
حرام إنَّه يجي واحد يلومك من كثر " حزني " !

ترى ما رحت من كيفي عشان أتحمَّـل ذنوبـك
أنا شفت الزمن ناوي علينا وقلت له : خذني ...!

واذا قالوا : رَحَل عنِّك حبيبك ، فتِّـش جيوبـك
تطمَّـن قلبـي بـجيبـك حبيبـي لا تدوِّرنـي !